സഹോദരിമാരായ പെൺകുട്ടികളെ ഇരകളാക്കിയ പീഡനക്കേസിൽ ഞെട്ടിക്കുന്ന വെളിപ്പെടുത്തലുകൾ

സഹോദരിമാരായ പെൺകുട്ടികളെ ഇരകളാക്കിയ പീഡനക്കേസിൽ ഞെട്ടിക്കുന്ന വെളിപ്പെടുത്തലുകൾ

എറണാകുളം: എറണാകുളം ജില്ലയിലെ കുറുപ്പുംപടിയിൽ ഇരട്ട സഹോദരിമാരെ പീഡിപ്പിച്ച കേസിൽ ഞെട്ടിക്കുന്ന സംഭവമാണ് പുറത്തുവരുന്നത്. സഹോദരിമാരായ പത്തും പന്ത്രണ്ടും വയസുള്ള പെൺകുട്ടികൾക്കെതിരെ നടന്ന ക്രൂരമായ പീഡനം. കുട്ടികളുടെ അമ്മയുടെ ഒത്താശയോടുകൂടി അവളുടെ ആൺസുഹൃത്തായ ധനേഷ് ആണ് ഈ അതിക്രമത്തിന് പിന്നിൽ.





മദ്യം നൽകി നിർബന്ധിത പീഡനം

അതിക്രമം വെളിച്ചത്തുവരുന്നതോടെ കൂടുതൽ ഞെട്ടിപ്പിക്കുന്ന വിവരങ്ങളാണ് പുറത്തുവരുന്നത്. പ്രതി ധനേഷ് വീട്ടിലെത്തുമ്പോഴെല്ലാം കുട്ടികളെ നിർബന്ധിച്ച് മദ്യം കുടിപ്പിച്ച് പീഡനത്തിന് ഇരയാക്കുകയായിരുന്നു.

കൂട്ടുകാരിയെയും ലക്ഷ്യമിട്ടു, കത്ത് തെളിവായി

ധനേഷ് സഹോദരിമാരുടെ കൂട്ടുകാരികളെയും ലക്ഷ്യമിട്ടതായി അന്വേഷണത്തിൽ തെളിഞ്ഞിട്ടുണ്ട്. കൂട്ടുകാരിയെ വീട്ടിലേക്ക് കൊണ്ടുവരാൻ മൂത്ത കുട്ടിയോട് ഇയാൾ നിർബന്ധിച്ചിരുന്നതായി വ്യക്തമായിട്ടുണ്ട്. ഇത് ചൂണ്ടിക്കാട്ടി കുട്ടി എഴുതി കൂട്ടുകാരിക്ക് നൽകിയ കത്താണ് ക്ലാസ് ടീച്ചർ കണ്ടത്. ഇതേ തുടർന്ന്, കുട്ടി തന്റെ ദുരിതകഥ ടീച്ചറോട് തുറന്നു പറഞ്ഞതോടെയാണ് സത്യം പുറത്തുവരുന്നത്.

വർഷങ്ങളായി തുടരുന്ന പീഡനം

2023 മുതൽ പ്രതി കുട്ടികളെ  പീഡിപ്പിച്ചിരുന്നതായി കണ്ടെത്തിയിട്ടുണ്ട്. അച്ഛൻ ചികിത്സയിൽ ആയിരുന്ന സമയത്താണ് കുട്ടികളുടെ അമ്മ ധനേഷുമായി അടുക്കുന്നത്. അച്ഛനെ ആശുപത്രിയിലേക്ക് കൊണ്ടുപോകാൻ ധനേഷിന്റെ ടാക്സി ഉപയോഗിച്ചിരുന്നു. പിന്നീട് അച്ഛൻ മരണപ്പെടുകയും, ഈ അവസരത്തിൽ ധനേഷ് കുടുംബത്തോടൊപ്പം താമസമാക്കുകയും ചെയ്തു.


കേസിൽ കുട്ടികളുടെ അമ്മയ്‌ക്കെതിരായ തെളിവുകൾ പൊലീസിന് ലഭിച്ചിരിക്കുകയാണ്. ഇവരെ കഠിനമായ നിയമ നടപടി നേരിടേണ്ടി വരുമെന്ന് അന്വേഷണ ഉദ്യോഗസ്ഥർ വ്യക്തമാക്കിയിട്ടുണ്ട്. കുട്ടികളുടെ സുരക്ഷ ഉറപ്പാക്കാൻ അധികൃതർ ആവശ്യമായ എല്ലാ നടപടികളും സ്വീകരിച്ചു.