ആർഎസ്എസ് പ്രവർത്തകൻ ആത്മഹത്യ ചെയ്തു

സ്ഥാനാർഥി നിർണയത്തിൽ തഴഞ്ഞെന്നാരോപണം; ആർഎസ്എസ് പ്രവർത്തകൻ ആത്മഹത്യ ചെയ്തു – കുറിപ്പിൽ ഗൗരവമായ ആരോപണങ്ങൾ

തിരുവനന്തപുരം: സ്ഥാനാർത്ഥി നിർണയത്തിൽ തഴഞ്ഞുവെന്നാരോപിച്ച് തിരുവനന്തപുരത്ത് ആർഎസ്എസ് പ്രവർത്തകൻ ആത്മഹത്യ ചെയ്തു. തിരുമല സ്വദേശിയായ ആനന്ദ് കെ തമ്പി ( Anand K Thambi ) ആണ് ആത്മഹത്യ ചെയ്തത്. ആത്മഹത്യയ്ക്ക് മുമ്പ് അദ്ദേഹം എഴുതിവെച്ച കുറിപ്പിൽ ആർഎസ്എസ്– ബിജെപി നേതൃത്വത്തിനെതിരെയുള്ള ഗുരുതരമായ ആരോപണങ്ങളാണ് ഉയർന്നിരിക്കുന്നത്.

സ്ഥാനാർഥിത്വ തർക്കമാണ് ആത്മഹത്യയ്ക്ക് കാരണം — കുറിപ്പിൽ വെളിപ്പെടുത്തൽ

ആനന്ദ് എഴുതിയ ആത്മഹത്യാക്കുറിപ്പിൽ പ്രകാരം തൃക്കണ്ണാപുരത്തിൽ സ്ഥാനാർത്ഥിയാക്കിയത് “മണ്ണ് മാഫിയക്കാരനെയാണ്” എന്നാണ് ആരോപണം.
തദ്ദേശതെരഞ്ഞെടുപ്പിൽ തഴഞ്ഞതിനെ തുടര്‍ന്ന് തൃക്കണ്ണാപുരം വാർഡിൽ സ്വതന്ത്ര സ്ഥാനാർഥിയായി മത്സരിക്കാൻ അദ്ദേഹം തീരുമാനിച്ചിരുന്നതായും കുറിപ്പിൽ പറയുന്നു.

‘16-ആം വയസ്സിൽ തുടങ്ങി… എന്റെ ജീവിതത്തിലെ ഏറ്റവും വലിയ തെറ്റ്’ — ആനന്ദിന്റെ കുറിപ്പ്

ആനന്ദ് കുറിപ്പിൽ പറയുന്നു:

• 16 വയസ്സ് മുതൽ ആർഎസ്എസിൽ പ്രവർത്തിച്ചുവെന്ന്
• എം.ജി കോളേജിൽ പഠിക്കുമ്പോൾ മുഖ്യശിക്ഷകനായിരുന്നുവെന്ന്
• ബിജെപി ഏരിയ പ്രസിഡന്റ് ഉദയകുമാർ (ആലപ്പുറം കുട്ടൻ), നിയോജകമണ്ഡലം കമ്മിറ്റി അംഗം കൃഷ്ണകുമാർ, ആർഎസ്എസ് നഗർ കാര്യവാഹ് രാജേഷ് എന്നിവർ “മണ്ണ് മാഫിയയാണ്” എന്ന ആരോപണം
• ഇവരുടെ ആവശ്യത്തിനായി വിനോദ് കുമാറിനെ സ്ഥാനാർത്ഥിയാക്കിയെന്ന്
• ബിജെപി, ആർഎസ്എസ് പ്രവർത്തകർ തനിക്ക് അവസാനമായി പോലും അന്ത്യഞ്ജലി അർപ്പിക്കാൻ വരരുത് എന്ന് ആവശ്യപ്പെടടുന്നു

കുറിപ്പിൽ പറയുന്നു:

“എന്റെ ജീവിതത്തിലെ ഏറ്റവും വലിയ തെറ്റ് ഞാൻ ഒരു ആർഎസ്എസുകാരനായി ജീവിച്ചതാണ്. അതാണ് എന്നെ ആത്മഹത്യ ചെയ്യേണ്ടി വരുന്ന അവസ്ഥയിലേക്ക് കൊണ്ടുവന്നത്.”

കുടുംബ പ്രശ്നവും കുറിപ്പിൽ

തന്റെ മാതാപിതാക്കളുമായി ബന്ധപ്പെട്ട സ്വത്ത് പ്രശ്നവും കുറിപ്പിൽ പരാമർശിച്ചിട്ടുണ്ടെന്ന് പൊലീസ് സ്ഥിരീകരിച്ചു.
മക്കളുടെ പേരിൽ സ്വത്ത് എഴുതി നൽകണമെന്ന തന്റെ അഭ്യർത്ഥന നിരാകരിക്കപ്പെട്ടു എന്നതും കുറിപ്പിൽ ഉണ്ട്.