ഹണിട്രാപ്പ് ദമ്പതികൾ അറസ്റ്റിൽ

ഹണിട്രാപ്പ് ഗൂഢാലോചന: വ്യവസായിയിൽ നിന്ന് 20 കോടി തട്ടിയ ദമ്പതികൾ അറസ്റ്റിൽ

കൊച്ചി: ഹണിട്രാപ്പ് ദമ്പതികൾ അറസ്റ്റിൽ വ്യവസായിയെ ഹണിട്രാപ്പിൽ കുടുക്കി 20 കോടി രൂപ തട്ടിയ ദമ്പതികളെ കൊച്ചി പൊലീസ് അറസ്റ്റ് ചെയ്തു. തൃശൂർ വലപ്പാട് സ്വദേശിയായ കൃഷ്ണദേവും, ഭാര്യയായ ശ്വേതയുംആണ് പോലീസിന്റെ പിടിയിലായത്. വ്യവസായിയിൽ നിന്ന് പണം വാങ്ങി മടങ്ങവേ ഇരുവരും പൊലീസ് സംഘത്തിന്റെ പിടിയിലായി.

ഇവരിൽ നിന്ന് വ്യവസായിയുമായി ബന്ധപ്പെട്ട 20 കോടിയുടെ ചെക്ക് പൊലീസ് പിടിച്ചെടുത്തു. വ്യവസായിയുടെ സ്ഥാപനത്തിലെ ജീവനക്കാരിയായി ജോലി ചെയ്തിരുന്ന ശ്വേതയാണ് ദമ്പതികളുടെ ഈ ഗൂഢാലോചനയിൽ നിർണായക പങ്ക് വഹിച്ചത്. ഈ അടുത്ത ബന്ധം ഉപയോഗപ്പെടുത്തി വ്യവസായിയുമായി അടുപ്പം നേടിയതിനു ശേഷം, സ്വകാര്യ ദൃശ്യങ്ങൾ പകർത്തി പിന്നീട് ഭീഷണിപ്പെടുത്തുകയായിരുന്നുവെന്ന് അന്വേഷണത്തിൽ കണ്ടെത്തിയതായി പൊലീസ് പറഞ്ഞു.

ആദ്യ ഘട്ടത്തിൽ വ്യവസായിയെ വിളിച്ചുവരുത്തി, ക്യാമറയിൽ ദൃശ്യങ്ങൾ പകർത്തി, പിന്നീട് അവ പ്രചരിപ്പിക്കുമെന്ന ഭീഷണിയിലാണ് 50,000 രൂപ മുൻകൂട്ടിയായി കൈക്കലാക്കിയത്. തുടർന്ന്, 30 കോടി രൂപ നൽകണമെന്ന് ദമ്പതികൾ ആവശ്യപ്പെട്ടു. അഞ്ചുദിവസത്തിനുള്ളിൽ ആവശ്യപ്പെട്ട മുഴുവൻ തുകയും നൽകണമെന്ന് ആവശ്യപ്പെട്ടു.

പണം നൽകാതെ പോവുകയാണെങ്കിൽ, അശ്ലീല സൈറ്റുകളിലും സോഷ്യൽ മീഡിയ പ്ലാറ്റ്‌ഫോമുകളിലും ആ ദൃശ്യങ്ങൾ പ്രചരിപ്പിക്കുമെന്ന് അവർ പറഞ്ഞു.

കൊച്ചി സ്വദേശിയായ വ്യവസായിക്ക് വിദേശത്തും വ്യാപാരബന്ധങ്ങൾ ഉള്ളതും ഈ ഗൂഢാലോചനയുടെ പ്രധാന ലക്ഷ്യം ആകാൻ കാരണമായതായി പൊലീസിന്റെ പ്രാഥമിക അന്വേഷണം വ്യക്തമാക്കുന്നു.