വിദ്യാർത്ഥിനിയെ ഹോസ്റ്റലിൽ മരിച്ച നിലയിൽ കണ്ടെത്തി

വിദ്യാർത്ഥിനിയെ ലേഡീസ് ഹോസ്റ്റൽ മുറിയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി;

കോതമംഗലം: കോതമംഗലം നെല്ലിക്കുഴി ഇന്ദിരാ ഗാന്ധി കോളേജിനുള്ളിലെ ലേഡീസ് ഹോസ്റ്റൽ മുറിയിൽ വിദ്യാർത്ഥിനിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. ഇന്ന് രാവിലെ എട്ട് മണിയോടെയായിരുന്നു സംഭവം.

അടിമാലി മാങ്കുളം മലനിരപ്പേൽ വീട്ടിൽ ഹരിയുടെ മകൾ വന്ദനയാണ് (ബി.ബി.എ ഒന്നാം വർഷ വിദ്യാർത്ഥിനി) മരിച്ച നിലയിൽ കണ്ടെത്തിയത്. ഹോസ്റ്റൽ മുറിയിൽ വന്ദന തൂങ്ങിമരിച്ച നിലയിലായിരുന്നു കണ്ടെത്തിയത് എന്നാണ് ലഭ്യമായ പ്രാഥമിക വിവരം. സംഭവസമയത്ത് കൂട്ടുകാർ ഹോസ്റ്റലിനുള്ളിലുണ്ടായിരുന്നെങ്കിലും അവർക്ക് സംഭവം ശ്രദ്ധയിൽപ്പെട്ടത് ഏറെ വൈകിയാണ്.

കുറച്ച് നാൾ മുമ്പ് ഇതേ കോളേജിൽ പഠിച്ചിരുന്ന മാനസ എന്ന വിദ്യാർത്ഥിനിയെ സ്വകാര്യ ഹോസ്റ്റൽ മുറിയിൽ കാമുകൻ തോക്കുപയോഗിച്ച് വെടിവച്ച് കൊന്ന സംഭവം വലിയ ചര്‍ച്ചകളും പ്രതിഷേധങ്ങളും സൃഷ്ടിച്ച സാഹചര്യത്തിലാണ് ഈ പുതിയ ദുരന്തവാർത്ത പുറത്തുവരുന്നത്.

സംഭവസ്ഥലത്ത് കോതമംഗലം പോലീസ് എത്തി തെളിവെടുപ്പ് ആരംഭിച്ചു. മരണം ആത്മഹത്യയാണോ അതോ മറ്റേതെങ്കിലും കാരണങ്ങളാണോ പിന്നിൽ എന്നത് സംബന്ധിച്ച് അന്വേഷണം പുരോഗമിക്കുകയാണ്. ഫോറൻസിക് വിഭാഗവും സ്ഥലത്ത് പരിശോധന നടത്തി.

വിശദവിവരങ്ങൾ ഇതുവരെ ലഭ്യമായിട്ടില്ലെങ്കിലും, സംഭവത്തെക്കുറിച്ച് പോലീസ് സമഗ്രമായ അന്വേഷണം ആരംഭിച്ചതായി അറിയുന്നു. കോളേജ് അധികൃതരും വിദ്യാർത്ഥിനിയുടെ ബന്ധുക്കളും സ്ഥലം സന്ദർശിച്ചു.

(തീയതി: 09-11-2025)

കോതമംഗലം പെരുമ്പാവൂർ മുവാറ്റുപുഴ പ്രദേശങ്ങളിലെ പ്രധാന വാർത്തകൾക്കായി ഈ വാർത്ത ഗ്രൂപ്പിൽ അംഗമാകുക 👇🏻

📲 𝗝𝗢𝗜𝗡 𝗣𝗢𝗟𝗜𝗧𝗜𝗖𝗔𝗟 𝗘𝗬𝗘 𝗡𝗘𝗪𝗦