കലാഭവൻ നവാസ് അന്തരിച്ചു
കലാഭവൻ നവാസ്: അസ്വാഭാവിക മരണത്തിന് പൊലീസ് കേസ്, ഇന്ന് പോസ്റ്റ്മോർട്ടം
ചലച്ചിത്ര-മിമിക്രി ലോകത്തെ ദുഃഖത്തിലാഴ്ത്തി നടനും മിമിക്രി കലാകാരനുമായ കലാഭവൻ നവാസ് അന്തരിച്ചു. ചോറ്റാനിക്കര പൊലീസ് അസ്വാഭാവിക മരണത്തിന് കേസെടുത്തതായി അറിയിച്ചു.
ഇന്നലെ രാത്രി 8.45ഓടെ ചോറ്റാനിക്കരയിലെ ഒരു ഹോട്ടൽ മുറിയിൽ ബോധരഹിതനായി കണ്ടെത്തിയ നവാസിനെ ഉടൻ ചോറ്റാനിക്കര ടാറ്റ ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.
📍 സംഭവത്തിന്റെ പശ്ചാത്തലം
‘പ്രകമ്പനം’ എന്ന സിനിമയുടെ ചിത്രീകരണത്തിനായി നവാസ് ചോറ്റാനിക്കരയിൽ എത്തിയിരുന്നു. ഇന്നും നാളെയും ചിത്രീകരണം ഇല്ലാത്തതിനാൽ വീട്ടിലേക്ക് മടങ്ങാനുള്ള ഒരുക്കത്തിലായിരുന്നു. ലോഡ്ജ് ജീവനക്കാരൻ റൂം കീ വാങ്ങുന്നതിനു വേണ്ടി റൂമിൽ ചെന്നപ്പോൾ ബോധ രഹിതനായി കണ്ടെത്തുക ആയിരുന്നു. തുടർന്നു അർദ്ധരാത്രി 12 മണിയോടെ മൃതദേഹം മെഡിക്കൽ കോളേജിലേക്ക് മാറ്റി.
🩺 പോസ്റ്റ്മോർട്ടം നടപടികൾ
ഇന്ന് രാവിലെ 8.30ന് ഇൻക്വസ്റ്റ് നടപടികൾ പൂർത്തിയാക്കി, 10 മണിക്ക് പോസ്റ്റ്മോർട്ടം നടത്തും. പ്രാഥമിക പരിശോധന പ്രകാരം ഹൃദയാഘാതം മരണകാരണമെന്ന് കരുതുന്നു.
🙏 പൊതുദർശനം
ഇന്ന് വൈകിട്ട് 4 മണി മുതൽ 5.30 വരെ ആലുവ ടൗൺ ജുമാമസ്ജിദിൽ പൊതുദർശനം നടത്തും.
👨👩👦 കുടുംബ പശ്ചാത്തലം
- പിതാവ്: പരേതനായ ചലച്ചിത്ര നടൻ അബൂബക്കർ
- ഭാര്യ: രെഹ്ന (സിനിമാതാരം)
- സഹോദരൻ: നിയാസ് ബക്കർ (മറിമായം സീരിയലിലെ ‘കോയ’ കഥാപാത്രം)
🎭 കലാഭവൻ നവാസ്: സിനിമയിലും ടെലിവിഷനിലും തന്റെ വ്യത്യസ്ത അഭിനയം കൊണ്ടും ഹാസ്യത്തിലൂടെയും പ്രേക്ഷകമനസുകൾ കീഴടക്കിയ കലാകാരൻ. ഒരിടവേളയ്ക്ക് ശേഷം സിനിമയിൽ വീണ്ടും സജീവമായിരുന്ന നവാസിന്റെ അകാലവിയോഗം മലയാള സിനിമാ-ടിവി ലോകത്തിന് വലിയ നഷ്ടമായി.