ഇന്ത്യയുമായി വ്യാപാര ബന്ധം ശക്തിപ്പെടുത്താൻ ചൈന

ഇന്ത്യയുമായി വ്യാപാര ബന്ധം ശക്തിപ്പെടുത്താൻ ചൈന ഇന്ത്യയുമായി വ്യാപാരബന്ധം ഊട്ടിയുറപ്പിക്കാൻ ചൈന സുപ്രധാന നടപടികളുമായി മുന്നോട്ട് വന്നിരിക്കുന്നു. ഇന്ത്യയിലേക്ക് വളം, റെയർ എർത്ത് മാഗ്നറ്റുകൾ, റെയർ എർത്ത് മിനറൽസ്, ടണൽ ബോറിംഗ് യന്ത്രങ്ങൾ എന്നിവയുടെ കയറ്റുമതി നിയന്ത്രണം ചൈന പിൻവലിച്ചു. ഇന്ത്യയുടെ ഇൻഫ്രാസ്ട്രക്ചർ വളർച്ചയ്ക്കും കാർഷിക മേഖലയുടെ പുരോഗതിക്കും ഈ നീക്കം വലിയ സഹായമാകുമെന്നു വിദഗ്ധർ വിലയിരുത്തുന്നു.

ചൈനയുടെ ഈ തീരുമാനം ഇന്ത്യ-ചൈന വ്യാപാരബന്ധങ്ങൾ മെച്ചപ്പെടുത്താനും, ആഗോള വിപണിയിലെ ഇടപെടൽ ശക്തിപ്പെടുത്താനും സഹായകരമാകുമെന്ന് വിദഗ്ധർ നിരീക്ഷിക്കുന്നു. വളം കയറ്റുമതി തുറന്ന് കൊടുക്കുന്നത് ഇന്ത്യയുടെ കാർഷിക ഉത്പാദനത്തിൽ പോസിറ്റീവ് ചലനങ്ങൾ സൃഷ്ടിക്കും. ഇതിലൂടെ കൃഷിയിലെ ചെലവ് കുറയും, വിളവെടുപ്പ് മെച്ചപ്പെടും.

റെയർ എർത്ത് മിനറൽസ് (Rare Earth Minerals) ഇന്ത്യയുടെ എലക്ട്രോണിക്, ഡിഫൻസ്, ഗ്രീൻ എൻർജി മേഖലകളിൽ നിർണ്ണായകമായ ഘടകങ്ങളാണ്. ഇവ ചൈനയിൽ കൂടുതലായി ലഭിക്കുന്നതും ആഗോളവ്യാപകമായി ഉപയോഗിക്കപ്പെടുന്നതുമാണ്. ചൈനയുടെ കയറ്റുമതി നിയന്ത്രണം പിൻവലിച്ചതോടെ ഇന്ത്യയുടെ വിവിധ ഉത്പാദന മേഖലകൾക്ക് ചിലവ് കുറയും.

ടണൽ ബോറിംഗ് യന്ത്രങ്ങളുടെ കയറ്റുമതിയുടെ നിയന്ത്രണം നീക്കിയത് ഇന്ത്യയിലെ റെയിൽ, റോഡ്, മെട്രോ ടണൽ പദ്ധതികൾക്ക് വലിയ നേട്ടമായേക്കും. ഇവയുടെ ഡെലിവറി വേഗത്തിൽ നടക്കാൻ സാധ്യതയുണ്ട്. രാജ്യത്തിന്റെ ഇൻഫ്രാസ്ട്രക്ചർ പദ്ധതികൾക്ക് ഇത് വലിയ പിന്തുണയാകും.

ചൈനയുടെ പുതിയ നീക്കം രണ്ട് രാജ്യങ്ങളും തമ്മിലുള്ള വ്യാപാര സൗഹൃദത്തിന്റെ ഭാഗമാണെന്നും ഇത് ഭാവിയിലെ സഹകരണവും ഉറപ്പാക്കുന്നതായിരിക്കുമെന്നും വിദഗ്ധർ അഭിപ്രായപ്പെടുന്നു. ഇന്ത്യയും ചൈനയും തമ്മിലുള്ള സാമ്പത്തിക തർക്കങ്ങൾ കുറയാൻ സാധ്യതയുള്ള ഈ നീക്കം ആഗോള വിപണിയെയും അനുകൂലമായി ബാധിക്കുമെന്ന് വിലയിരുത്തൽ.

ഇന്ത്യയുടെ കാർഷിക-ഉൽപാദന രംഗവും ഉയർന്ന നിലവാരമുള്ള ടെക്നോളജി മേഖലകളും ഈ മാറ്റങ്ങൾ ഏറെ സ്വാധീനിക്കും. ലോകവ്യാപാര താൽപ്പര്യങ്ങൾ പാലിച്ചുകൊണ്ടുള്ള ചൈനയുടെ നീക്കം ഭാവിയിൽ കൂടുതൽ ഇന്ത്യ ചൈന ബന്ധങ്ങൾ കൂടുതൽ ശക്തമാകാൻ വഴിയൊരുക്കും.

ഇന്ത്യയുമായി വ്യാപാര ബന്ധം ശക്തിപ്പെടുത്താൻ ചൈന