യുവാവിന്റെ മരണത്തിൽ ദുരൂഹത;
കോതമംഗലം സ്വദേശിയായ യുവാവിന്റെ മരണത്തിൽ ദുരൂഹത; പെൺ സുഹൃത്ത് കസ്റ്റഡിയിൽ
കോതമംഗലം:- യുവാവിന്റെ മരണത്തിൽ ദുരൂഹത മാതിരപ്പിള്ളി സ്വദേശിയായ യുവാവിന്റെ മരണവുമായി ബന്ധപ്പെട്ട് ദുരൂഹത. സംഭവത്തിൽ യുവാവിന്റെ പെൺസുഹൃത്തിനെ പൊലീസ് കസ്റ്റഡിയിലെടുത്ത് ചോദ്യം ചെയ്യലിന് വിധേയമാക്കിയിരിക്കുകയാണ്.
മാതിരപ്പിള്ളി നെടുങ്ങാട്ട് മേലോത്ത് മാരിയിൽ വീട്ടിൽ അലിയാരിന്റെ മകൻ അന്സില് (38) ആണ് മരിച്ചത്. ഗുരുതരാവസ്ഥയിൽ കഴിഞ്ഞിരുന്ന ഇയാളെ ആദ്യം സമീപത്തെ ആശുപത്രിയിലേക്ക് മാറ്റിയെങ്കിലും പിന്നീട് ആലുവയിലെ രാജഗിരി മെഡിക്കൽ കോളജിൽ പ്രവേശിപ്പിച്ചു. ചികിത്സയ്ക്കിടെ ജീവൻ രക്ഷിക്കാനായില്ല.
യുവാവിന്റെ മരണത്തിൽ വ്യക്തതയില്ലാത്ത സാഹചര്യങ്ങളാണ് കുടുംബാംഗങ്ങളും നാട്ടുകാരും ചൂണ്ടിക്കാട്ടുന്നത്. പ്രാഥമിക അന്വേഷണത്തിന്റെ ഭാഗമായി അന്സിലിന് അടുത്ത ബന്ധമുണ്ടായിരുന്ന പെൺസുഹൃത്തിനെ പൊലീസ് കസ്റ്റഡിയിലെടുത്തു. സംഭവവുമായി ബന്ധപ്പെട്ട് വിശദമായ ചോദ്യം ചെയ്യലുകൾ തുടരുകയാണെന്ന് പൊലീസ് അറിയിച്ചു.
അന്സിലിന്റെ മരണ കാരണം വ്യക്തമാക്കുന്നതിനായി പോസ്റ്റ്മോർട്ടം റിപ്പോർട്ട് നിർണായകമാകുമെന്ന് പൊലീസ് വ്യക്തമാക്കി. സംഭവത്തെക്കുറിച്ച് നിരവധി സംശയങ്ങളുണ്ടെന്നും എല്ലാ സാധ്യതകളും പരിശോധിക്കുമെന്നും അന്വേഷണ സംഘം അറിയിച്ചു.