ട്രെയിൻ തട്ടി പ്രഭാഷകയായ യുവതിക്ക് പരിക്ക്

കരുനാഗപ്പള്ളി റെയിൽവേ സ്റ്റേഷനിൽ ട്രെയിൻ തട്ടി പ്രഭാഷകയായ യുവതിക്ക് പരിക്ക്

കരുനാഗപ്പള്ളി ∙ കരുനാഗപ്പള്ളി റെയിൽവേ സ്റ്റേഷനിൽ വഞ്ചിനാട് എക്സ്പ്രസിൽ നിന്നും ഇറങ്ങിയ യുവതിയെ ട്രെയിൻ തട്ടി. അപകടത്തിൽ യുവതിയുടെ കാലിനു ഗുരുതര പരിക്ക്

അപകടത്തിൽപ്പെട്ടത് കോട്ടയം തിരുവാതുക്കൽ സ്വദേശിനിയും പ്രഭാഷകയുമായ പ്രീതിലാൽ ആണ്. ഇന്ന് രാവിലെ 7.30 ഓടെയാണ് സംഭവം. ട്രെയിനിൽ നിന്ന് ഇറങ്ങി മറുവശത്തേക്ക് കടക്കുന്നതിനിടെ ലൂപ്പ് ട്രാക്കിലൂടെയെത്തിയ ട്രെയിൻ പ്രീതിയുടെ തോളിൽ തട്ടുകയായിരുന്നു.

ട്രെയിൻ തട്ടിയപ്പോൾ പുറത്തേക്ക് വീണ പ്രീതിയുടെ സാരി പാളത്തിൽ കുടുങ്ങിയതിനാൽ കാൽ പുറത്തേക്കെടുക്കാൻ സാധിച്ചില്ല.

സംഭവം കണ്ടുനിന്ന സമീപവാസിയായ കുഞ്ഞുമോൻ, മുറിഞ്ഞുമാറിയ കാലുമായി പ്രീതിയെ കരുനാഗപ്പള്ളി താലൂക്ക് ആശുപത്രിയിലേക്ക് മാറ്റി. പിന്നീട് അവരെ കോട്ടയം മെഡിക്കൽ കോളേജിലേക്ക് റഫർ ചെയ്തു.

അപകടസമയത്ത് പ്രീതിയുടെ ഫോൺ ലോക്കായിരുന്നതിനാൽ ആദ്യം വിവരങ്ങൾ ലഭ്യമല്ലായിരുന്നു. ആശുപത്രിയിലേക്കുള്ള യാത്രാമധ്യേ വന്ന ഒരു കോൾ വഴിയാണ് പ്രീതിയെ തിരിച്ചറിയാൻ കഴിഞ്ഞത്. വിവരം അറിഞ്ഞ് ഉടൻ തന്നെ ബന്ധുക്കൾ കോട്ടയം മെഡിക്കൽ കോളേജിലെത്തി.

പുതുപ്പള്ളി ഇഞ്ചക്കാട്ട് കുന്നിലാണ് പ്രീതിയുടെ കുടുംബം.

ട്രെയിൻ തട്ടി പ്രഭാഷകയായ യുവതിക്ക് പരിക്ക്