റോഷ്‌നി നാടാരും ഫാല്‍ഗുനി നയ്യാറും ഇന്ത്യയിലെ സമ്പന്ന വനിതകള്‍;

sponsored

വെബ്ഡെസ്‌ക് :-എച്ച്സിഎല്‍ ടെക്നോളജീസിന്റെ ചെയര്‍പേഴ്സണ്‍ റോഷ്നി നാടാര്‍ മല്‍ഹോത്ര ഇന്ത്യയിലെ ഏറ്റവും ധനികയായ വനിത എന്ന സ്ഥാനം നിലനിര്‍ത്തി, അതേസമയം സംരംഭകരായ വനിതകളില്‍ നൈകയിലെ ഫാല്‍ഗുനി നയ്യ്ര്‍ രാജ്യത്തെ ഏറ്റവും ധനികയായ വനിതയായി. കൊട്ടക് പ്രൈവറ്റ് ബാങ്കിംഗ്-ഹുറുണ്‍ ലിസ്റ്റ് പ്രകാരമാണ് ഇവര്‍ സമ്പന്നരുടെ ലിസ്റ്റില്‍ ഒന്നാമത് എത്തിയത്.

sponsored

എച്ച്സിഎല്‍ ടെക്നോളജീസ് സ്ഥാപകന്‍ ശിവ് നാടാറിന്റെ മകളാണ് 40 കാരിയായ റോഷ്‌നി നാടാര്‍ മല്‍ഹോത്ര. നിലവില്‍ എച്ച്സിഎല്‍ ടെക്നോളജീസിന്റെ ചെയര്‍പേഴ്സനാണ് റോഷ്നി. 2021-ല്‍ റോഷ്‌നിയുടെ ആസ്തി 54 ശതമാനം ഉയര്‍ന്ന് 84,330 കോടി രൂപയായിലെത്തി. ഇന്ത്യയിലെ ഏറ്റവും ധനികയായ വനിത എന്ന സ്ഥാനം ഇതോടെ നിലനിര്‍ത്തി,

പത്തു വര്‍ഷം മുമ്പ് ബാങ്കിംഗ് ജീവിതം ഉപേക്ഷിച്ച് സൗന്ദര്യവസ്തു നിര്‍മ്മാണ ബ്രാന്‍ഡ് ആരംഭിച്ച ഫാല്‍ഗുനി നയ്യാര്‍, 57,520 കോടി രൂപ ആസ്തിയുള്ള ഏറ്റവും ധനികയായ സ്വയം സംരംഭക വനിതയായി ഉയര്‍ന്നു. 59 വയസുകാരിയായ ഫാല്‍ഗുനിയുടെ സമ്പത്തില്‍ 963 ശതമാനം വര്‍ധനവ് രേഖപ്പെടുത്തിയത്

ബയോകോണിന്റെ കിരണ്‍ മജുംദാര്‍-ഷായുടെ സമ്പത്തില്‍ 21 ശതമാനം ഇടിവ് രേഖപ്പെടുത്തി, ഒരു റാങ്ക് താഴേക്ക് പോയി 29,030 കോടി രൂപയുടെ സമ്പത്തുമായി രാജ്യത്തെ മൂന്നാമത്തെ ധനികയായി.

100 സ്ത്രീകളുടെ പട്ടികയാണ് കൊട്ടക് പ്രൈവറ്റ് ബാങ്കിംഗ്-ഹുറുണ്‍ ലിസ്റ്റ് പുറത്തു വിട്ടിരിക്കുന്നത്. ഇന്ത്യയില്‍ ജനിച്ചവരോ വളര്‍ന്നവരോ ആയ വനിതകളാണിവര്‍ . സ്വയം സംരംഭങ്ങള്‍ നടത്തുകയോ , ബിസിനസുകള്‍ സജീവമായി കൈകാര്യം ചെയ്യുന്നവരോ ആയ ഇന്ത്യന്‍ സ്ത്രീകളെമാത്രമാണ് ലിസ്‌ററില്‍ ഉള്‍പ്പെടുത്തിയിരിക്കുന്നത്.

ലിസ്റ്റിലുള്ള 100 സ്ത്രീകളുടെ ആകെ സമ്പാദ്യം 2020-ലെ 2.72 ലക്ഷം കോടിയില്‍ നിന്ന് 2021-ല്‍ 4.16 ലക്ഷം കോടി രൂപയായി ഉയര്‍ന്നു. ഒരു വര്‍ഷത്തിനുള്ളില്‍ 53 ശതമാനത്തിന്റെ വര്‍ദ്ധന. ഇന്ത്യയുടെ ജിഡിപിയില്‍ 2 ശതമാനം സംഭാവന ഈ വനിതകളുടേതാണ്. ആദ്യ 100-ല്‍ ഇടം നേടുന്നതിനുള്ള കട്ട്-ഓഫ് നേരത്തെ 100 കോടിയില്‍ നിന്ന് 300 കോടി രൂപയായി ഉയര്‍ത്തിയിരുന്നു. ആദ്യ പത്തു പേരുടെ കട്ട്-ഓഫ് 6,620 കോടി രൂപയിലാണ്, ഇതാവട്ടെ മുന്‍വര്‍ഷത്തേക്കാള്‍ 10 ശതമാനം കൂടുതലാണ്.

പട്ടികയില്‍ ഏറ്റവുമധികം പേര്‍ എത്തിയിരിക്കുന്നത് ദേശീയ തലസ്ഥാന മേഖലയായ ഡല്‍ഹിയില്‍ നിന്നാണ്, 25 പേര്‍ , മുംബൈയില്‍ നിന്ന് 21 പേരും, ഹൈദരാബാദില്‍ നിന്ന് 12 പേരും ലിസ്റ്റുകളില്‍ ഉള്‍പ്പെട്ടു. 12 എന്‍ട്രികളുമായി ഫാര്‍മസ്യൂട്ടിക്കല്‍സ് രംഗമാണ മുന്നിലെത്തിയത്. 11 പേര്‍ ഹെല്‍ത്ത് കെയര്‍ രംഗത്തും 9 പേര്‍ കണ്‍സ്യൂമര്‍ ഗുഡ്‌സ് വിപണന രംഗത്തും സമ്പത്തു കൊണ്ട് ശ്രദ്ധേയരായി .

ഭോപ്പാല്‍ ആസ്ഥാനമായുള്ള ജെറ്റ്‌സെറ്റ് സ്ഥാപക കനിക തെക്രിവാള്‍ ആണ് പട്ടികയിലെ ഏറ്റവും പ്രായം കുറഞ്ഞ വ്യക്തി. 33കാരിയായ കനികയ്ക്ക് സമ്പത്തില്‍ 50 ശതമാനം വര്‍ധനയാണുണ്ടായത്. 420 കോടി രൂപയാണ് ആസ്തി.

5,040 കോടി രൂപ ആസ്തിയുമായി പെപ്സിക്കോയുടെ ഇന്ദ്ര നൂയിയും ലിസ്റ്റിലുണ്ട്. എച്ച്ഡിഎഫ്സിയുടെ രേണു സുദ് കര്‍ണാട് 870 കോടി രൂപയും കൊട്ടക് മഹീന്ദ്ര ബാങ്കിന്റെ ശാന്തി ഏകാംബരം 320 കോടിയുമാണ് ആസ്തി

Leave a Reply