പാലക്കാട് കല്ലട ബസ് മറിഞ്ഞു: നിരവധി പേര്‍ക്ക് പരിക്ക്, രണ്ട് മരണം;

പാലക്കാട് തിരുവാഴിയോട് ബസ് മറിഞ്ഞ് നിരവധി പേര്‍ക്ക് പരിക്ക്. ദീര്‍ഘദൂര സര്‍വീസ് നടത്തുന്ന കല്ലട ട്രാവല്‍സിന്റെ ബസാണ് തിരുവാഴിയോട് കാര്‍ഷിക വികസന ബാങ്കിന്
മുന്നില്‍ നിയന്ത്രണം വിട്ട് മറിഞ്ഞത്. ചെന്നൈയില്‍ നിന്ന് കോഴിക്കോടേക്ക് പോവുകയായിരുന്ന ബസാണ് അപകടത്തില്‍ പെട്ടത്. നിയന്ത്രണം വിട്ട ബസ് റോഡിന് നടുവില്‍ തന്നെ മറിയുകയായിരുന്നു.

അപകട സമയത്ത് 38 പേര്‍ ബസിലുണ്ടായിരുന്നു. ഇവരില്‍ രണ്ട് പേര്‍ മരണപ്പെട്ടാതായാണ് റിപ്പോര്‍ട്ട്. മലപ്പുറം സ്വദേശി സൈനബാ ബീവിയാണ് മരിച്ചത്. രണ്ടാമത്തെയാളെ തിരിച്ചറിഞ്ഞിട്ടില്ല. പരിക്കേറ്റ യാത്രക്കാരെ നാട്ടുകാരും പോലീസും ഫയര്‍ഫോഴ്‌സും ചേര്‍ന്ന് സമീപത്തെ ആശുപത്രികളിലെത്തിച്ചു.