ഷാൾ ചക്രത്തിൽ കുരുങ്ങി തെറിച്ചുവീണ് വീട്ടമ്മയ്ക്ക് ദാരുണാന്ത്യം;
തൃശൂർ: ബൈക്കിൽ നിന്ന് തെറിച്ചുവീണ് വീട്ടമ്മയ്ക്ക് ദാരുണാന്ത്യം. ചാലക്കുടി മേലൂര് കുവ്വക്കാട്ടുകുന്ന് പുല്ലോക്കാരന് സത്യന്റെ ഭാര്യ രേഖ (46) യാണ് മരിച്ചത്. ഷാൾ ചക്രത്തിൽ കുരുങ്ങിയാണ് അപകടം.
ഞായറാഴ്ച രാത്രി നോര്ത്ത് ചാലക്കുടിയില് പത്തരയ്ക്കായിരുന്നു അപകടം. തലവേദനയെ തുടര്ന്ന് ചാലക്കുടി സെന്റ് ജെയിംസ് ആശുപത്രിയില് എത്തിയതാണ് രേഖ. തിരിച്ച് സഹോദരന് രഞ്ജിത്തിനോടടൊപ്പം ബൈക്കില് വീട്ടിലേയ്ക്ക് പോകുമ്പോഴായിരുന്നു അപകടം.
തലയ്ക്ക് ഗുരുതരമായി പരുക്കേറ്റ് സെന്റ് ജെയിംസ് ആശുപത്രിയില് എത്തിച്ചെങ്കിലും മരണം സംഭവിച്ചു. സംസ്കാരം ചൊവ്വാഴ്ച 11 ന് മേലൂര് ക്രിമിറ്റോറിയത്തിൽ . മക്കള്: അഭിജിത്ത്, അന്ജിത്ത്.