Advertisements

കൊച്ചി :- ഇന്ത്യൻ പ്രീമിയർ ലീഗിൽ റോയൽ ചലഞ്ചേഴ്സ് ബാംഗ്ലൂ‍ർ ഡൽഹി കാപിറ്റൽസിനോട് 6 വിക്കറ്റിന് പരാജയപ്പെട്ടു

അവസാന ഓവറുകളിൽ കളി തിരിച്ച് പിടിക്കാൻ നടത്തിയ ബാംഗ്ലൂരിൻെറ ശ്രമങ്ങൾ വിലപ്പോയില്ല. സ്റ്റോയ്നിസും റിഷഭ് പന്തും ചേർന്ന് മനോഹരമായി മത്സരം ഫിനിഷ് ചെയ്തു. ഡൽഹിക്കെതിരെ 6 വിക്കറ്റിനാണ് കോലിയുടെയും കൂട്ടരുടെയും പരാജയം. രണ്ടാം വിക്കറ്റിൽ ഒത്തുചേർന്ന ശിഖർ ധവാനും അജിങ്ക്യ രഹാനെയും ചേർന്ന് ഡൽഹിക്ക് സമ്മാനിച്ചത് പോയൻറ് പട്ടികയിൽ രണ്ടാം സ്ഥാനം. രഹാനെ 46 പന്തിൽ നിന്ന് 60 റൺസ് നേടിയപ്പോൾ ധവാൻ 54 റൺസ് നേടി.

ജയത്തോടെ 16 പോയൻറുമായാണ് ഡൽഹി രണ്ടാമതെത്തിയത്. 14 പോയിൻറേ ഉള്ളൂവെങ്കിലും റൺ റേറ്റിൽ കൊൽക്കത്തയെ മറികടന്ന ബാഗ്ലൂരും പ്ലേ ഓഫ് യോഗ്യത നേടി. നാളെ നടക്കുന്ന മത്സരത്തിൽ മുംബൈ ഇന്ത്യൻസിനെ തോൽപ്പിച്ചാൽ ഹൈദരാബാദ് പ്ലേ ഓഫിലെത്തും. ഹൈദരാബാദ് തോൽക്കുകയാണെങ്കിൽ കെകെആറായിരിക്കും നാലാം സ്ഥാനക്കാരായി പ്ലേ ഓഫിലെത്തുക

ഡൽഹി ഓപ്പണർ പൃഥ്വി ഷാ ഒരിക്കൽ കൂടി നിരാശപ്പെടുത്തി. 9 റൺസ് നേടിയ ഷായെ മുഹമ്മദ് സിറാജാണ് തുടക്കത്തിൽ തന്നെ പുറത്താക്കിയത്. എന്നാൽ അജിങ്ക്യ രഹാനെയും ശിഖർ ധവാനും ചേർന്ന് പടുത്തുയർത്തിയ മനോഹരമായ കൂട്ടുകെട്ട് ഡൽഹിയെ മുന്നോട്ട് നയിച്ചു. 41 പന്തിൽ നിന്ന് 54 റൺസ് നേടിയ ശേഷമാണ് ധവാൻ പുറത്തായത്.

153 റൺസ് വിജയലക്ഷ്യം
ഡൽഹിക്കെതിരെ ആദ്യം ബാറ്റ് ചെയ്ത ആർസിബിക്ക് ഭേദപ്പെട്ട സ്കോർ. അർധശതകം നേടിയ ഓപ്പണർ ദേവ്ദത്ത് പടിക്കലാണ് ബാംഗ്ലൂരിൻെറ ടോപ് സ്കോറർ. 41 പന്തിൽ നിന്ന് 50 റൺസാണ് യുവതാരം നേടിയത്. ഡി വില്ലിയേഴ്സും 35 റൺസും കോലി 29 റൺസും നേടി. 7 വിക്കറ്റ് നഷ്ടത്തിൽ 152 റൺസാണ് നേടിയത്. നോർക്കിയ 3 വിക്കറ്റും റബാദ 2 വിക്കറ്റും നേടി. അശ്വിൻ 4 ഓവറിൽ വെറും 18 റൺസ് വഴങ്ങി 1 വിക്കറ്റ് നേടി.

ബാറ്റിങ് ആരംഭിച്ച ആർസിബിക്ക് ഭേദപ്പെട്ട തുടക്കം. ആദ്യ പത്തോവറിൽ 1 വിക്കറ്റ് നഷ്ടത്തിൽ 60 റൺസ് മാത്രമാണ് നേടിയത്. 17 പന്തിൽ നിന്ന് 12 റൺസ് നേടിയ ജോഷ് ഫിലിപ്പെയുടെ വിക്കറ്റാണ് നഷ്ടമായത്.

ഡൽഹിക്കെതിരെ ബാംഗ്ലൂരിന് ബാറ്റിങ്
മുംബൈ ഇന്ത്യൻസിന് പിന്നിൽ പോയൻറ് പട്ടികയിൽ രണ്ടാം സ്ഥാനത്തെത്താൻ റോയൽ ചലഞ്ചേഴ്സ് ബാഗ്ലൂരും ഡൽഹി കാപിറ്റൽസും തമ്മിൽ ഏറ്റുമുട്ടുന്നു. ലീഗിൽ തുടക്കത്തിലെ ഗംഭീര പ്രകടനത്തിൽ നിന്ന് ഡൽഹി താഴെപ്പോയിട്ടുണ്ട്. ബാറ്റിങ് നിരയും ബോളിങ് നിരയും ഇപ്പോൾ ഒരുപോലെ മോശം ഫോമിലാണ്. പ്ലേ ഓഫിന് മുമ്പ് ഡൽഹിക്ക് ആത്മവിശ്വാസം വീണ്ടെടുക്കേണ്ടതുണ്ട്.

മുൻനിര താരങ്ങൾ നിറംമങ്ങുന്നത് ആർസിബിക്കും തലവേദന സൃഷ്ടിക്കുന്നുണ്ട്. ബോളിങ് നിര മികച്ച ഫോമിലാണെന്നത് ആത്മവിശ്വാസം പകരുന്നുണ്ട്. വിരാട് കോലിയും ഡി വില്ലിയേഴ്സും മികച്ച പ്രകടനം പുറത്തെടുത്താൽ ആർസിബിക്ക് കാര്യങ്ങൾ എളുപ്പമാവും. മത്സരത്തിൽ പരാജയപ്പെടുന്ന ടീമും പ്ലേ ഓഫിലെത്താൻ തന്നെയാണ് സാധ്യത.

ടോസ് നേടിയ ഡൽഹി നായകൻ ശ്രേയസ് അയ്യർ ആദ്യം ഫീൽഡ് ചെയ്യാൻ തീരുമാനിച്ചു. മൂന്ന് മാറ്റങ്ങളുമായാണ് ഡൽഹി ഇറങ്ങുന്നത്. അജിങ്ക്യ രഹാനെ, അക്സർ പട്ടേൽ, ഡാനിയൽ സാംസ് എന്നിവർ ടീമിൽ ഇടംപിടിച്ചു. രണ്ട് മാറ്റങ്ങളാണ് ആർസിബിയിലുള്ളത്. ഗുർകീരഥ് മന്നിന് പകരം ശിവം ദുബെ കളിക്കും.
പേസർ നവദീപ് സെയ്നി
കളിക്കുന്നില്ല. ഷഹബാസ് അഹമ്മദാണ് പകരം കളിക്കുന്നത്.

NewsFacebook
https://www.facebook.com/politicaleyenews/

By Inews

Leave a Reply