പാട്ന:- ബിഹാറില് വ്യാജമദ്യ ദുരന്തത്തില് 10 പേര് മരിച്ചു. 14 പേരെ ആശുപത്രിയില് പ്രവേശിപ്പിച്ചു. വെസ്റ്റ് ചമ്പാരന്, ഗോപാല്ഗഞ്ച് ജില്ലകളിലാണ് മദ്യദുരന്തമുണ്ടായത്. ചികിത്സയിലുള്ള പലരുടെയും നില ഗുരുതരമാണ്.
മദ്യം കഴിച്ചവര് ഏതാനും സമയത്തിനകം കുഴഞ്ഞുവീഴുകയായിരുന്നു. പോസ്റ്റ്മോര്ട്ടത്തിനുശേഷമാണ് മദ്യത്തില് നിന്നുള്ള വിഷാംശമേറ്റതാണെന്ന് സ്ഥിരീകരിച്ചത്. സംഭവത്തില് നാലുപേര് അറസ്റ്റിലായിട്ടുണ്ട്.
